فيلم الاوسكار السنادي ,بيحكي عن قصة حقيقية الولايات المتحدة في زمن كانت الولايات الشمالية حرروا السود و الولايات الجنوبية لسة , فكانوا بيخطفوا السود اﻷحرارمن عائلاتهم في الشمال و يهربوهم كعبيد للجنوب , قليل جدا اللي قدر يهرب و يرجع لعيلته , سولمون نورثوب اتخطف ١٢سنة اتهان و مسحوا هويته القديمة و اتجلد و اتعذب و دفن اصحابه اللي ماتو من كتر الشغل و اتنقل من سيد لسيد بهدلوه و هزأوه و ضربوه لكنه ما فقدش اﻷمل ..

من المشاهد المؤثرة جدا سيده أجبره أنه يعذب شابة من العبيد لحد ما جلدها اتقطع و وسط صراخ البنت و دموع سولمون قاله : 

” You’re are the devil! “

” sooner or later in the course of eternal justice thou shalt answer for this sin”

سبحان الله صرخة المظلوم واحدة في أي زمان و أي مكان …

بعد ١٢ سنة ربنا كرمه بواحد أبيض (كان كندي) مؤمن أن ربنا خلق البشر متساويين ساعده و قدر يشوف مراته و اولاده و حفيده ﻷول مرة (من المشاهد الرائعة) و رفع قضية علي اللي خطفوه و كتب كتاب يحكي فيه حكايته …
كل اللي عذبوه و عذبوا ملايين غيره راحوا مزبلة التاريخ هم وقوانينهم و اللي طبلولهم واللي سكتوا عنهم ..
و الفكرة العادلة المستقيمة بس هي اللي عاشت و خلدت اسم كل مظلوم و كل واحد دافع عنها …
إلي الجحيم يا منافقين ..